Pepsideild karla | Argentískur varnarmaður til liðs við ÍBV

Mynd: ÍBV

Pepsideildarlið ÍBV hefur samið við argentíska varnarmanninn Ignacio Fideleff, sem nú síðast var á mála hjá Nacional Asuncion í Paragvæ. Fideleff er 28 ára, fæddur í Argentínu en býr einnig að ísraelskum ríkisborgararétti og var í sína tíð á mála hjá bæði Napoli og Parma á Ítalíu.

Fréttatilkynning ÍBV:
ÍBV hefur samið við varnarmanninn Ignacio Fideleff.
Ignacio er Argentínumaður og á að baki fjölda leikja með U20 ára landsliði Argentínu.
Ungur að aldri var hann seldur til Napoli frá uppeldisfélagi sínu Newell‘s Old Boys í Argentínu, en hann hefur leikið með félögum á borð við Parma, Maccabi Tel Aviv, Ergotelis og Napoli.
Um er að ræða áræðinn, örfættan og baráttuglaðan varnarmann, sem hefur karakter og metnað til að setja ÍBV í fremstu röð á ný á fimmtugasta tímabili félagsins í efstu deild.

Deila