Handbolti | Talsverðar breytingar á landsliðshópi karla

12

Geir Sveinsson hefur valið 20 manna hóp fyrir tvo vináttuleiki gegn Svíum sem fara fram á Íslandi í lok mánaðarins. Það eru talsverðar breytingar á hópnum frá síðasta leik liðsins, Geir velur 4 nýliða en það eru þeir Gísli Þorgeir Kristjánsson og Óðinn Þór Ríkharðsson úr FH, Egill Magnússon úr Stjörnunni og Elvar Örn Jónsson úr Selfoss.

Tveir fastamenn liðsins undanfarin ár, Kári Kristján Kristjánsson, Arnór Atlason, eru ekki valdir í hópinn að þessu sinni en Aron Pálmarsson gefur ekki kost á sér í þetta verkefni af persónulegum ástæðum samkvæmt fréttatilkynningu frá HSÍ.

Leikirnir við Svía fara fram fimmtudaginn 26.október kl.19.30 og laugardaginn 28.október kl.14.00

Hópurinn gegn Svíum:

Markverðir:
Aron Rafn Eðvarðsson, ÍBV
Ágúst Elí Björgvinsson, FH
Björgvin Páll Gústavsson, Haukar

Aðrir leikmenn:
Arnar Freyr Arnarsson, IFK Kristianstad
Arnór Þór Gunnarsson, Die Bergischer Handball Club
Atli Ævar Ingólfsson, Selfoss
Ásgeir Örn Hallgrímsson, Nimes
Bjarki Már Elísson, Füchse Berlin
Bjarki Már Gunnarsson, Stjarnan
Daníel Þór Ingason, Haukar
Egill Magnússon, Stjarnan
Elvar Örn Jónsson, Selfoss
Gísli Þorgeir Kristjánsson, FH
Guðjón Valur Sigurðsson, Rhein Neckar Löwen
Janus Daði Smárason, Ålborg Håndbold
Óðinn Þór Ríkharðsson, FH
Ólafur Guðmundsson, IFK Kristianstad
Ómar Ingi Magnússon, Århus Håndbold
Rúnar Kárason, TSV Hannover/Burgdorf
Ýmir Örn Gíslason, Valur

Deila